Xətai Bələdiyyəsi

Bələdiyyədə görülən işlər 10-09-2026 138

Xətai rayonunda yaşıllıq və abadlıq işləri genişləndirilir

Xətai Rayon İcra Hakimiyyətinin təşkilatçılığı, Xətai Rayonu Xətai Bələdiyyəsinin iştirakı ilə rayon ərazisində abadlıq, təmizlik və yaşıllaşdırma istiqamətində mütəmadi işlər həyata keçirilir.

Növbəti iməclik çərçivəsində Uşaq və Gənclərin İnklüziv İnkişaf Mərkəzinin ərazisində əsaslı abadlıq və yaşıllaşdırma işləri görülüb. Ərazidə mövcud ağacların budanması, yaşıllıqların suvarılması, ot örtüyünün yenisi ilə əvəz olunması həyata keçirilib. Həmçinin ərazinin ümumi səliqə-sahmanına diqqət yetirilib və daha baxımlı, estetik görünüşün formalaşdırılması istiqamətində tədbirlər görülüb.

Aparılan işlər rayon ərazisində yaşıllıqların qorunması, ekoloji mühitin yaxşılaşdırılması və sakinlər üçün daha sağlam və əlverişli mühitin yaradılmasına xidmət edir.

Xətai Rayonu Xətai Bələdiyyəsinin sədri Elşad Vəliyev bildirib ki, abadlıq və yaşıllaşdırma işlərinin davamlı şəkildə aparılması bələdiyyənin diqqət mərkəzindədir.

“Xətai rayonunun daha təmiz, abad və yaşıllıqla zəngin olması üçün həyata keçirilən tədbirlərdə yaxından iştirak edirik. Xüsusilə uşaqların və gənclərin istifadə etdiyi ərazilərin abad və baxımlı vəziyyətdə saxlanılması bizim üçün xüsusi əhəmiyyət daşıyır. Bu istiqamətdə görülən işlər bundan sonra da davam etdiriləcək.”

Rayon ərazisində həyata keçirilən bu cür tədbirlər Xətainin daha gözəl, yaşıl və müasir görkəminin formalaşdırılmasına mühüm töhfə verir.

Oxşar Xəbərlər

2026-09-03 11:36:04

Elşad Vəliyev: “Xətai bələdiyyəsi rayonda aparılan abadlıq-quruculuq işlərinə daim öz töhfəsini verməkdədir”

140

Bələdiyyədə görülən işlər

Ətraflı

2026-07-23 16:45:08

Xətai rayonunda növbəti abadlıq tədbirləri uğurla davam etdirilir

537

Bələdiyyədə görülən işlər

Ətraflı

2023-06-09 12:06:39

Xətai rayonunda şəhidlərin adını daşıyan parkın və xatirə lövhəsinin açılışı olub

715

Bələdiyyədə görülən işlər

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.