Xətai Bələdiyyəsi

Bələdiyyə xəbərləri 25-08-2026 241

Xətai rayonunda “Qonağımız var” Mübariz Tağıyevlə yaddaqalan görüş

24 avqust 2026-cı il tarixində saat 18:30-da Xətai rayonunda yerləşən Heydər Əliyev adına İstirahət Parkının amfiteatr səhnəsində “Qonağımız var” layihəsi çərçivəsində Azərbaycanın Xalq artisti Mübariz Tağıyevlə görüş keçirilib.

Tədbirin təşkilində Azərbaycan Respublikası Mədəniyyət Nazirliyinin Bakı Şəhər Mədəniyyət Baş İdarəsi, Azərbaycan Respublikası Xətai Rayon İcra Hakimiyyəti, Yeni Azərbaycan Partiyası Xətai rayon təşkilatı və Qərbi Azərbaycan İcmasının Xətai rayon nümayəndəliyi iştirak edib. Bu qurumların birgə əməkdaşlığı ilə təşkil olunan görüş rayon sakinlərinin və sənətsevərlərin böyük marağına səbəb olub.

Görüşdə Xətai Rayon İcra Hakimiyyətinin başçısı Rafiq Quluyev,Yeni Azərbaycan Partiyası Xətai rayon təşkilatının sədri Ramil Mirzəyev, Milli Məclisin deputatı Vüqar Rəhimzadə,Qərbi Azərbaycan İcmasının Xətai rayon nümayəndəliyinin rəhbəri Vilayət Əmirov,Xətai Rayon Xətai Bələdiyyəsinin sədri Elşad Vəliyev, şəhid ailələrinin üzvləri, mədəniyyət və incəsənət nümayəndələri, ictimaiyyət və rayon sakinləri iştirak ediblər. Xətai Rayon Xətai Bələdiyyəsinin əməkdaşları da tədbirdə fəal iştirak edərək görüşə qoşulublar.

“Qonağımız var” layihəsi çərçivəsində rayon sakinlərinin Azərbaycanın tanınmış mədəniyyət və incəsənət nümayəndələri ilə görüşməsi artıq xoş ənənəyə çevrilib. Layihə sənətkarlarla ictimaiyyət arasında canlı ünsiyyətin qurulmasına, milli musiqimizin və mədəni dəyərlərimizin təbliğinə, eləcə də sakinlərin asudə vaxtının səmərəli təşkilinə xidmət edir.

Tədbirin budəfəki qonağı Azərbaycan estrada sənətinin tanınmış nümayəndəsi, Xalq artisti Mübariz Tağıyev olub. Sənətkar öz yaradıcılıq yolu, sənət fəaliyyəti və Azərbaycan musiqisində keçdiyi zəngin yol barədə fikirlərini bölüşüb, tamaşaçıların suallarını cavablandırıb.

Gecənin ən maraqlı məqamlarından biri Mübariz Tağıyevin sevilən mahnılarını canlı ifa etməsi olub. Xalq artistinin çıxışı tədbir iştirakçıları tərəfindən böyük maraq və alqışlarla qarşılanıb.

Xətai Rayon İcra Hakimiyyətinin təşkilati dəstəyi ilə keçirilən bu cür mədəni tədbirlər rayonun ictimai-mədəni həyatının daha da canlanmasına mühüm töhfə verir. Xətai Rayon Xətai Bələdiyyəsi də bu kimi ictimai və mədəni təşəbbüslərdə yaxından iştirak edərək rayon sakinləri ilə birgə keçirilən tədbirlərə öz töhfəsini verir.

Beləliklə, 24 avqust axşamı Xətai rayonunda keçirilən “Qonağımız var” görüşü sənət, səmimi ünsiyyət və xoş ovqatın vəhdətində yadda qalan mədəni tədbirlərdən biri olub.

Oxşar Xəbərlər

2024-03-28 15:27:31

19.03.2024-cü ildə Xətai rayon Xətai bələdiyyəsinin nümayədələri Novruz bayramı ərəfəsində 3 saylı uşaq evində olublar.

1408

Bələdiyyə xəbərləri

Ətraflı

2024-03-11 16:12:18

Xətai Bələdiyyəsinin kollektivi bayram günü şəhid anaları ilə görüş keçiriblər.

956

Bələdiyyə xəbərləri

Ətraflı

2024-01-20 17:08:32

20 Yanvar Ümumxalq Hüzn Günü

1399

Bələdiyyə xəbərləri

Ətraflı

2023-12-25 13:43:18

Elşad Vəliyev: “Əldə etdiyimiz maliyyə vəsaitinin böyük bir hissəsi Xətai rayonunun abadlıq-quruculuq işlərinə xərclənir”

1460

Bələdiyyə xəbərləri

Ətraflı

2023-12-25 13:38:33

Elşad Vəliyev:“ Bu gün hər bir bələdiyyə üzvünün əsas məqsədi fəaliyyətiylə bələdiyyənin nüfuzunu artırmağa çalışmaq olmalıdır”

1532

Bələdiyyə xəbərləri

Ətraflı

2023-10-03 12:32:10

Elşad Vəliyev: “Xətai bələdiyyəsi olaraq əsas məqsədimiz sakinlərin məmnunluğunu təmin etməkdir”

1541

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.