Xətai Bələdiyyəsi

Bələdiyyə tədbirləri 10-07-2026 149

Xətai Rayon Bələdiyyəsində korrupsiyaya qarşı mübarizə, şəffaflıq və ictimai nəzarətin gücləndirilməsi mövzusunda tədbir keçirildi

Xətai Rayon Bələdiyyəsində “Korrupsiyaya qarşı mübarizə, şəffaflıq və ictimai nəzarətin gücləndirilməsində vətəndaş cəmiyyətinin rolunun artırılması” mövzusunda maarifləndirici tədbir keçirilib.

Tədbir Bakı İctimai Əməkdaşlıq Mərkəzi İctimai Birliyinin təşkilatçılığı ilə, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi çərçivəsində həyata keçirilən layihə əsasında baş tutub.

Görüşdə korrupsiyaya qarşı mübarizənin hüquqi əsasları, şəffaf idarəçilik prinsipləri, ictimai nəzarətin əhəmiyyəti və vətəndaş cəmiyyətinin bu istiqamətdə rolu barədə geniş müzakirələr aparılıb. Təqdimatlarda “Korrupsiyaya qarşı mübarizə haqqında” Azərbaycan Respublikasının Qanununun tələbləri və dövlət siyasətinin əsas istiqamətləri diqqətə çatdırılıb.

Tədbirdə qeyd olunub ki, Azərbaycan Respublikasının Prezidenti cənab İlham Əliyevin tapşırıq və tövsiyələrinə uyğun olaraq dövlət idarəçiliyində şəffaflığın artırılması, korrupsiya və rüşvətxorluğa qarşı ardıcıl mübarizənin aparılması, ictimai nəzarət mexanizmlərinin gücləndirilməsi mühüm prioritetlərdəndir.

Xətai Rayon Bələdiyyəsinin sədri Elşad Vəliyevin şəffaf idarəçilik, vətəndaş müraciətlərinə diqqətlə yanaşma və ictimai nəzarət mexanizmlərinin inkişafına verdiyi dəstək xüsusi vurğulanıb. Bildirilib ki, yerli özünüidarəetmə orqanlarında vətəndaş məmnunluğunun təmin edilməsi, əhalinin müraciətlərinə operativ və ədalətli yanaşma dövlət siyasətinin əsas tələblərindən biridir.

Tədbirdə ictimaiyyət nümayəndələri, media təmsilçiləri, vətəndaş cəmiyyəti institutlarının üzvləri və Xətai Rayon Bələdiyyəsinin əməkdaşları iştirak ediblər.

Sonda layihəni həyata keçirən Bakı İctimai Əməkdaşlıq Mərkəzi İctimai Birliyinin rəhbəri Rauf Zeyni tərəfindən Xətai Rayon Bələdiyyəsinin sədri Elşad Vəliyevə layihəyə göstərdiyi dəstəyə və ictimai əməkdaşlığın inkişafına verdiyi töhfəyə görə təşəkkürnamə təqdim olunub. Təşəkkürnamə bələdiyyə sədrinin müavini tərəfindən qəbul edilib.

Tədbir iştirakçıları tərəfindən vurğulanıb ki, şəffaflığın artırılması, korrupsiyaya qarşı mübarizə və vətəndaş məmnunluğunun təmin edilməsi cəmiyyətin inkişafı və dövlət idarəçiliyinə ictimai etimadın möhkəmləndirilməsi baxımından mühüm əhəmiyyət daşıyır.

Oxşar Xəbərlər

2026-09-14 10:00:13

Xətai Bələdiyyəsinin sədri Türkiyə - Azərbaycan Universitetini ziyarət edib

466

Bələdiyyə tədbirləri

Ətraflı

2026-08-26 16:15:13

50 İLİN ŞƏRƏF SALNAMƏSİ QABİL SAYADOV-İDMANA, VƏTƏNƏ VƏ GƏLƏCƏYƏ HƏSR OLUNAN ÖMRÜN YOLU

303

Bələdiyyə tədbirləri

Ətraflı

2026-07-09 14:06:17

Xətai rayonunda yaşıl nəfəs: Xətai Bələdiyyəsinin abadlıq və yaşıllaşdırma təşəbbüsləri

120

Bələdiyyə tədbirləri

Ətraflı

2023-12-13 15:50:22

Xətai rayonunda keçirilən ağacəkmə aksiyasında rayon bələdiyyələri də yaxından iştirak ediblər

2220

Bələdiyyə tədbirləri

Ətraflı

2023-12-13 15:40:15

Azərbaycan Respublikası Nazirlər Kabinetinin 2020-ci il 23 iyun tarixli 213 nömrəli Qərarı ilə təsdiq edilmiş plana əsasən 8 dekabr 2023-cü il tarixdə Xətai Rayon İcra Hakimiyyəti, Xətai rayon Bələdiyyəsi, Xətai rayon Qeydiyyat şöbəsi və 24 nömrəli tam orta məktəbin təşkilatçılıgı ilə“Gənclər arasında ailə dəyərlərinin təbliği” və “Ailə ənənələrinin möhkəmləndirilməsi və inkişafı” mövzularında maarifləndirici tədbir keçirilmişdir.

607

Bələdiyyə tədbirləri

Ətraflı

2023-12-13 15:36:32

Azərbaycan Respublikası Prezidentinin məişət zorakılığı ilə mübarizəyə dair 2020-2023 cü illər üçün Milli Fəaliyyət Planının təsdiq edilməsi haqqında plana əsasən 01 dekabr 2023-cü tarixdə Xətai Rayon İcra Hakimiyyəti, Xətai rayon Bələdiyyəsi, Xətai rayon Qeydiyyat şöbəsi və 221 nömrəli tam orta məktəbin təşkilatçılıgı ilə “Gender bərabərliyi” və “Erkən nikaha daxil olmağa tələsmə” mövzularında maarifləndirici tədbir keçirilmişdir.

636

Bələdiyyə tədbirləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.