Xətai Bələdiyyəsi

Bələdiyyə tədbirləri 09-07-2026 76

Xətai rayonunda yaşıl nəfəs: Xətai Bələdiyyəsinin abadlıq və yaşıllaşdırma təşəbbüsləri

05.07.2026

Şəhərin gözəlliyi yalnız müasir binalar və geniş yollarla deyil, eyni zamanda yaşıllıq, təmizlik və estetik görünüşlə də ölçülür. Bu baxımdan Xətai rayon Bələdiyyəsinin həyata keçirdiyi abadlıq və yaşıllaşdırma tədbirləri rayonun simasının daha da gözəlləşdirilməsinə, sakinlər üçün daha rahat və sağlam mühitin yaradılmasına xidmət edir.

“Xətai rayonunda yaşıl nəfəs” adlanan bu təşəbbüslər çərçivəsində yol kənarı ərazilərdə dekorativ güllərin təşkili, yaşıllıq zolaqlarının qorun ması və ərazilərin mütəmadi suvarılması istiqamətində ardıcıl işlər görülür. Bu tədbirlər rayonun ekoloji mühitinin yaxşılaşdırılması ilə yanaşı, şəhər estetikası baxımından da mühüm əhəmiyyət daşıyır.

Xətai rayonunun əsas istiqamətlərindən olan 8 Noyabr prospekti, Zığ şosesi və aeroport yolu boyunca aparılan dekorativ gülləndirmə işləri ərazilərə xüsusi gözəllik və səliqə bəxş edir. Mövsümə uyğun seçilən güllərin əkilməsi, onlara vaxtında qulluq göstərilməsi və isti yay günlərində mütəmadi suvarılması nəticəsində yol kənarları daha baxımlı və cəlbedici görünüş qazanır.

Xətai rayon Bələdiyyəsinin sədri Elşad Vəliyevin rəhbərliyi ilə həyata keçirilən bu tədbirlər rayonun abadlaşdırılması istiqamətində məqsədyönlü fəaliyyətin göstəricisidir. Onun rəhbərliyi ilə yaşıllıqların artırılması, ictimai ərazilərin daha səliqəli vəziyyətə gətirilməsi və sakinlərin rahat yaşayış mühitinin təmin olunması istiqamətində görülən işlər xüsusi diqqət çəkir.

Elşad Vəliyevin fəaliyyətində rayonun inkişafına, abadlıq işlərinə və insanların rahatlığına xidmət edən layihələrə üstünlük verilməsi bələdiyyənin qarşıya qoyduğu məqsədlərlə uzlaşır. Yol kənarlarında yaradılan dekorativ gül zolaqları və yaşıllıq sahələrinə göstərilən qayğı Xətai rayonunun daha gözəl və müasir görünüşə qovuşmasına mühüm töhfə verir.

“Xətai rayonunda yaşıl nəfəs” yalnız yaşıllıq yaratmaq deyil, həm də insanlara gözəl, təmiz və rahat şəhər mühiti bəxş etmək məqsədi daşıyan bir yanaşmadır. Bu istiqamətdə həyata keçirilən tədbirlər rayon akinlərinin məmnunluğunun artırılmasına, təbiətə və ətraf mühitə qayğı mədəniyyətinin formalaşmasına xidmət edir.

Xətai rayon Bələdiyyəsinin bu sahədə gördüyü işlər yerli idarəetmənin abadlıq və quruculuq istiqamətində fəaliyyətinin nümunəsi kimi qiymətləndirilə bilər. Yaşıllaşdırma və dekorativ gülləndirmə tədbirlərinin davam etdirilməsi Xətai rayonunun daha yaşıl, daha gözəl və daha rahat yaşayış məkanına çevrilməsinə imkan yaradır.

Oxşar Xəbərlər

2026-07-10 14:12:44

Xətai Rayon Bələdiyyəsində korrupsiyaya qarşı mübarizə, şəffaflıq və ictimai nəzarətin gücləndirilməsi mövzusunda tədbir keçirildi

101

Bələdiyyə tədbirləri

Ətraflı

2023-12-13 15:50:22

Xətai rayonunda keçirilən ağacəkmə aksiyasında rayon bələdiyyələri də yaxından iştirak ediblər

2166

Bələdiyyə tədbirləri

Ətraflı

2023-12-13 15:40:15

Azərbaycan Respublikası Nazirlər Kabinetinin 2020-ci il 23 iyun tarixli 213 nömrəli Qərarı ilə təsdiq edilmiş plana əsasən 8 dekabr 2023-cü il tarixdə Xətai Rayon İcra Hakimiyyəti, Xətai rayon Bələdiyyəsi, Xətai rayon Qeydiyyat şöbəsi və 24 nömrəli tam orta məktəbin təşkilatçılıgı ilə“Gənclər arasında ailə dəyərlərinin təbliği” və “Ailə ənənələrinin möhkəmləndirilməsi və inkişafı” mövzularında maarifləndirici tədbir keçirilmişdir.

504

Bələdiyyə tədbirləri

Ətraflı

2023-12-13 15:36:32

Azərbaycan Respublikası Prezidentinin məişət zorakılığı ilə mübarizəyə dair 2020-2023 cü illər üçün Milli Fəaliyyət Planının təsdiq edilməsi haqqında plana əsasən 01 dekabr 2023-cü tarixdə Xətai Rayon İcra Hakimiyyəti, Xətai rayon Bələdiyyəsi, Xətai rayon Qeydiyyat şöbəsi və 221 nömrəli tam orta məktəbin təşkilatçılıgı ilə “Gender bərabərliyi” və “Erkən nikaha daxil olmağa tələsmə” mövzularında maarifləndirici tədbir keçirilmişdir.

593

Bələdiyyə tədbirləri

Ətraflı

2023-12-13 15:31:11

23.11.2023-cü ildə Xətai rayon İcra Hakimiyyətinin başçısı Rafiq Quluyev 194 saylı tam orta məktəbdə vətəndaşlarla görüşüb. Görüşdə Xətai rayon prokuroru Sərdar İmanov, YAP Xətai rayon təşkilatının sədri Vüqar Rəhimzadə, rayon sakinləri, həmçinin rayon icra hakimiyyətinin məsul şəxsləri, Bələdiyyə sədrləri, Mənzil Kommunal Təsərrüfatı Birliyinin nümayəndələri və habelə xidmət sahələrinin rəhbərləri iştirak ediblər.

10319

Bələdiyyə tədbirləri

Ətraflı

2023-11-01 13:43:23

20 Noyabr Ümumdünya Uşaq Hüquqlarının qorunması günüdür.

599

Bələdiyyə tədbirləri

Ətraflı

Bələdiyyə sədri

Vəliyev Elşad Vilayət oğlu

Xətai Rayon Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.