Xətai Bələdiyyəsi

Bələdiyyə xəbərləri 14-08-2026 543

Elşad Vəliyev: Şəhidimizin adını yaşatmaq bizim mənəvi borcumuzdur

Xətai rayonunda şəhidlərin əziz xatirəsinin əbədiləşdirilməsi, gənclərin idmana cəlb olunması və sağlam həyat tərzinin təbliği istiqamətində növbəti mühüm layihə həyata keçirilib.

Xətai rayonunun Zığ yolu 32, 34 və 36 nömrəli binalarının yerləşdiyi ərazidə şəhid Vasif İsmayılov Süleyman oğlunun adına idman zalı istifadəyə verilib.

Vasif İsmayılov Süleyman oğlu 12 avqust 1974-cü ildə Masallı rayonunun Tüklə kəndində anadan olub. Tüklə kənd orta məktəbini bitirdikdən sonra bir müddət sovxozda fəhlə işləyib. 30 dekabr 1992-ci ildə hərbi xidmətə yollanan Vasif İsmayılov 9 fevral 1993-cü ildə Ağdərə uğrunda gedən döyüşlər zamanı itkin düşüb və sonradan ona şəhidlik statusu verilib.

İdman zalının yaradılması Xətai Rayon İcra Hakimiyyətinin başçısı Rafiq Quliyevin tapşırıqları əsasında, Azərbaycan Karate Federasiyasının təşkilatçılığı ilə həyata keçirilib.

Azərbaycan Karate Federasiyasının Prezidenti Ülvi Quliyevin rəhbərliyi və federasiyanın katibi, Xətai Rayon Bələdiyyəsinin əməkdaşı, əməkdar məşqçi Qabil Sayadovun təşkilatçılığı ilə Respublikanın müxtəlif bölgələrində şəhidlərin adlarının əbədiləşdirilməsi, gənclərin idmana cəlb olunması və sağlam həyat tərzinin təbliği məqsədilə bu formatda idman zallarının yaradılması istiqamətində mühüm işlər həyata keçirilir.

Bu təşəbbüslər yalnız idmanın inkişafına deyil, həm də şəhidlərimizin müqəddəs xatirəsinin yaşadılmasına xidmət edən nümunəvi sosial layihələr kimi xüsusi əhəmiyyət daşıyır. Federasiya rəhbərliyinin bu istiqamətdə göstərdiyi ardıcıl diqqət və təşəbbüskarlıq, eləcə də təşkilati işlərin həyata keçirilməsində Qabil Sayadovun fəallığı təqdirəlayiqdir. Belə layihələr gənclərin idmana marağını artırmaqla yanaşı, onların milli-mənəvi dəyərlərə və Vətənə bağlılıq ruhunda yetişməsinə də mühüm töhfə verir.

Tədbirdə şəhid Vasif İsmayılovun ailə üzvləri, Xətai Rayon Bələdiyyəsinin əməkdaşları, sektor müdiri Natiq Sayadov, ictimaiyyət nümayəndələri, idmançılar, məşqçilər və Vətən müharibəsi iştirakçıları iştirak ediblər.

Xətai Rayon Bələdiyyəsinin sədri Elşad Vəliyev məsələ ilə bağlı münasibət bildirərək qeyd edib ki, şəhidlərin adının yaşadılması, onların qəhrəmanlıq yolunun gələcək nəsillərə çatdırılması və şəhid ailələrinə diqqət göstərilməsi xüsusi həssaslıq tələb edən məsələlərdəndir.

Elşad Vəliyev bildirib ki, şəhid Vasif İsmayılovun adına belə bir idman zalının yaradılması həm qəhrəmanımızın əziz xatirəsinə ehtiram, həm də gənclərin sağlam, intizamlı və vətənpərvər ruhda yetişdirilməsi baxımından mühüm əhəmiyyət daşıyır.

Yeni idman zalı ərazidə yaşayan uşaqların və yeniyetmələrin idmanla məşğul olması, onların fiziki hazırlığının artırılması və yeni istedadların üzə çıxarılması üçün mühüm imkan yaradacaq.

Şəhid Vasif İsmayılovun adı bundan sonra bu idman ocağında yaşayacaq. Onun və bütün şəhidlərimizin Vətən qarşısındakı fədakarlığı daim ehtiramla yad ediləcək, müqəddəs xatirələri xalqımızın yaddaşında əbədi qalacaq.

Xətai Bələdiyyəsi

Oxşar Xəbərlər

2023-06-12 13:29:25

Elşad Vəliyev: “ Ulu Öndər Heydər Əliyevin Azərbaycan xalqı və Azərbaycan dövlətçiliyi qarşısında xidmətləri sözün əsl mənasında misilsizdir”

1550

Bələdiyyə xəbərləri

Ətraflı

2023-06-12 13:28:01

Elşad Vəliyev: “Ulu Öndər Heydər Əliyevin Azərbaycanın müstəqilliyinin möhkəmləndirilməsi istiqamətində atdığı ilk mühüm addımlarından biri də cəmiyyətinin vahidliyinin təmin olunması məqsədilə məhz milli ideologiyanın formalaşdırılması oldu”

1387

Bələdiyyə xəbərləri

Ətraflı

2023-06-09 12:10:32

Vüqar Rəhimzadə: Möhtərəm Prezidentimizin hər bir müsahibəsi həqiqətlərimizin təbliği üçün zəngin mənbədir

1326

Bələdiyyə xəbərləri

Ətraflı

2023-06-09 11:59:37

Xətai rayonunda şəhid Babayev İqbal Zəki oğlunun və Novruzov Asəf Aydın oğlunun xatirə lövhəsinin açılış mərasimi olub

1262

Bələdiyyə xəbərləri

Ətraflı

2023-06-09 11:55:58

Xətai rayonunda şəhid polkovnik-leytenant Musayev Sədi Süleyman oğlunun xatirə lövhəsinin açılış mərasimi olub

1338

Bələdiyyə xəbərləri

Ətraflı

2023-06-09 10:38:37

Prezident İlham Əliyev və birinci xanım Mehriban Əliyeva Bakıda yeni yaradılan “Gənclik” parkının açılışında iştirak ediblər

1508

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayon Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.