Xətai Bələdiyyəsi

Bələdiyyə xəbərləri 12-07-2026 139

Xətai rayonunda abadlıq və quruculuq işləri: insanların rahatlığına xidmət edən yeni nəfəs

Bakı şəhərinin dinamik inkişaf edən rayonlarından biri olan Xətai rayonunda abadlıq, quruculuq və yaşıllaşdırma istiqamətində həyata keçirilən tədbirlər davamlı xarakter alır. Xətai Rayon Bələdiyyəsinin həyata keçirdiyi layihələr rayon sakinlərinin rahat, sağlam və daha keyfiyyətli mühitdə yaşamasına yönəlmiş mühüm addımlar kimi diqqət çəkir.

Rayon ərazisində aparılan genişmiqyaslı abadlıq işləri çərçivəsində yeni parkların salınması, mövcud istirahət məkanlarının yenilənməsi, yaşıllıq zolaqlarının artırılması, insanların asudə vaxtlarını səmərəli keçirmələri və idmanla məşğul olmaları üçün əlverişli şərait yaradılması istiqamətində mühüm tədbirlər həyata keçirilir.

Bu istiqamətdə Məhəmməd Hadi küçəsi 78 ünvanı və ətrafındakı bir neçə yaşayış binasının yerləşdiyi ərazidə görülən işlər xüsusi diqqət çəkir. Həmin ərazidə həyətlərin abadlaşdırılması, istirahət guşələrinin yaradılması, yaşıllıqların salınması, ərazinin estetik görünüşünün yaxşılaşdırılması, yolların asfaltlanması və binaların ətraf mühitinin daha səliqəli vəziyyətə gətirilməsi istiqamətində həyata keçirilən tədbirlər sakinlərin rahatlığına xidmət edir.

Xətai Rayon Bələdiyyəsinin həyata keçirdiyi abadlıq tədbirləri çərçivəsində “Abad həyat” layihəsi insanların daha rahat, təhlükəsiz və əlverişli yaşayış mühitində yaşamasına xidmət edən mühüm təşəbbüslərdən biridir. Layihə çərçivəsində parkların salınması, istirahət məkanlarının yaradılması, yaşıllıqların artırılması, həyətlərin və binaların ətraf ərazilərinin yenilənməsi sakinlərin gündəlik həyat keyfiyyətinin yüksəldilməsinə yönəlib.

Əsaslı şəkildə salınan parklar və yenilənən ictimai məkanlar sakinlər üçün sadəcə istirahət yeri deyil, eyni zamanda ailələrin, uşaqların və gənclərin bir araya gəldiyi, sağlam həyat tərzinin təşviq olunduğu sosial məkanlara çevrilir.

Xətai Rayon Bələdiyyəsinin sədri Elşad Vəliyevin rəhbərliyi ilə həyata keçirilən bu fəaliyyətlər rayonun inkişafına yönəlmiş ardıcıl və məqsədyönlü işlərin nəticəsidir. Görülən işlərdə əsas diqqətin sakinlərin rahatlığına, yaşayış şəraitinin yaxşılaşdırılmasına və ictimai ərazilərin daha müasir hala gətirilməsinə verilməsi təqdirəlayiqdir.

Elşad Vəliyevin fəaliyyəti nəticəsində həyata keçirilən bu cür layihələr Xətai rayonunun simasının daha da gözəlləşməsinə, insanların rahat yaşayacağı və asudə vaxtlarını səmərəli keçirəcəyi mühitin formalaşmasına mühüm töhfə verir.

Xətai rayonunda həyata keçirilən abadlıq və quruculuq işləri göstərir ki, müasir şəhər mühiti yalnız binalarla deyil, insanların rahat yaşaya biləcəyi, istirahət edə biləcəyi və abad həyat şəraitinin yaradıldığı məkanlarla ölçülür. “Abad həyat” layihəsi də bu məqsədə xidmət edən mühüm addımlardan biridir.

Oxşar Xəbərlər

2026-08-14 11:00:14

Elşad Vəliyev: Şəhidimizin adını yaşatmaq bizim mənəvi borcumuzdur

577

Bələdiyyə xəbərləri

Ətraflı

2026-08-13 10:30:28

Elşad Vəliyev: “Xətai Rayon Bələdiyyəsində yeni struktur dəyişiklikləri həyata keçirilib”

607

Bələdiyyə xəbərləri

Ətraflı

2026-08-06 14:20:22

Xətai Rayon Bələdiyyəsi tərəfindən növbəti dezinfeksiya tədbirləri həyata keçirilib

253

Bələdiyyə xəbərləri

Ətraflı

2026-08-04 17:08:41

Park Azure-da növbəti görüş keçirildi

219

Bələdiyyə xəbərləri

Ətraflı

2026-08-03 12:44:09

Elşad Vəliyev abadlıq və yenidənqurma işlərinin gedişini şəxsən yaxından nəzarətdə saxlayır

477

Bələdiyyə xəbərləri

Ətraflı

2026-07-30 15:14:10

Davam edən məhkəmə prosesi ilə bağlı yerində baxış keçirilib

363

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayon Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.