Xətai Bələdiyyəsi

Bələdiyyə xəbərləri 30-07-2026 434

Davam edən məhkəmə prosesi ilə bağlı yerində baxış keçirilib

Hazırda məhkəmənin icraatında olan mülki iş üzrə Xətai rayon Xətai Bələdiyyəsi müstəqil tələb irəli sürməyən üçüncü şəxs qismində prosesə cəlb olunmuşdur.

Məhkəmə və icra orqanlarının müraciəti əsasında bələdiyyə tərəfindən qanunvericiliyin tələblərinə uyğun olaraq aidiyyəti əraziyə baxış keçirilmiş, mövcud vəziyyət yerində araşdırılmış və faktiki hal barədə müvafiq akt tərtib edilərək aidiyyəti üzrə təqdim edilmişdir.

Qeyd edək ki, hazırda məhkəmə prosesi davam edir və iş üzrə yekun qərar qəbul edilməmişdir. Xətai rayon Xətai Bələdiyyəsi bu işdə yalnız məhkəmənin müəyyən etdiyi prosessual status çərçivəsində iştirak edir və hər hansı mübahisəli hüquq münasibətinin tərəfi deyil.

Bələdiyyə bundan sonra da məhkəmənin və digər səlahiyyətli dövlət orqanlarının qanuni sorğularına uyğun olaraq yalnız qanunvericiliyin tələbləri çərçivəsində zəruri məlumat və sənədlərin təqdim edilməsini təmin edəcəkdir. Bu səbəbdən davam edən məhkəmə araşdırmasının nəticələri barədə yekun hüquqi qiymətləndirmə yalnız məhkəmənin qəbul edəcəyi yekun qərardan sonra mümkün olacaqdır.

Xətai rayon Xətai Bələdiyyəsi

Oxşar Xəbərlər

2026-07-13 11:55:26

Xətai rayonunda abadlıq və şəhidlərimizin xatirəsinə ehtiram nümunəsi

293

Bələdiyyə xəbərləri

Ətraflı

2026-07-12 00:13:28

Xətai rayonunda abadlıq və quruculuq işləri: insanların rahatlığına xidmət edən yeni nəfəs

263

Bələdiyyə xəbərləri

Ətraflı

2026-07-09 21:15:33

Xətai rayonunda sakinlərin sağlamlığı üçün mühüm sanitariya tədbirləri həyata keçirilir

222

Bələdiyyə xəbərləri

Ətraflı

2026-01-07 10:45:59

Xətai bələdiyyəsinin inzibati binasında YAP üzvləri ilə görüş keçirilib

399

Bələdiyyə xəbərləri

Ətraflı

2025-12-29 18:27:21

Xətai bələdiyyəsi 120 şəhid və qazi ailəsinə bayram sovqatı paylayıb

397

Bələdiyyə xəbərləri

Ətraflı

2025-12-08 14:11:03

Xətaı bələdiyyəsində "Gender əsaslı zorakılığa qarşı 16 günlük fəallıq" çərçivəsində növbəti tədbir baş tutub

427

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.