0123344433
Xətai Bələdiyyəsi şəhid anasının dəfn mərasiminin təşkilində iştirak edib
Daşaltı uğrunda gedən döyüşlərdə qəhrəmancasına şəhid olmuş Veysəl Qasımovun anası Qasımova Saxiyat Qurbanismayılovna 23 aprel 2026-cı il tarixində vəfat etmişdir.
Şəhid Veysəl Qasımov Azərbaycanın ərazi bütövlüyü və suverenliyi uğrunda gedən döyüşlərdə göstərdiyi igidlik, cəsarət və Vətənə sonsuz sədaqəti ilə xalqımızın qəhrəmanlıq salnaməsində əbədi yer tutmuş Vətən övladıdır. Onun əziz xatirəsi daim ehtiramla yad edilir, göstərdiyi şücaət isə gənc nəsillər üçün vətənpərvərlik nümunəsi olaraq yaşayır.
Şəhid anası Saxiyat Qurbanismayılovna uzun illər övladının yolunu böyük ümid və həsrətlə gözləmiş, oğlunun nəşinin Vətənə gətirilərək doğma torpaqda dəfn olunmasından sonra da övlad nisgilini qəlbində yaşatmışdır. Onun vəfatı şəhid ailələrinin keçdiyi ağır və mənəvi cəhətdən çətin həyat yolunun növbəti acı təzahürü kimi dərin hüzn doğurur.
Şəhid anasının dəfn mərasiminin təşkili ilə bağlı məsələ Xətai Bələdiyyəsinin iclasında müzakirə edilmiş, qəbul olunmuş qərara əsasən bələdiyyənin səlahiyyətləri çərçivəsində zəruri maddi və mənəvi dəstəyin göstərilməsi təmin edilmişdir. Dəfn mərasiminin yüksək səviyyədə təşkili istiqamətində görülən tədbirlər Xətai Rayon İcra Hakimiyyətinin başçısı Rafiq Quliyevin tapşırıqlarına uyğun olaraq, Xətai Bələdiyyəsinin sədri Elşad Vəliyevin koordinasiyası ilə həyata keçirilmişdir. Mərhumun gəlini Mərziyyə xanımın yanında olunmuş, ailəyə dəfn mərasiminin təşkili zamanı hərtərəfli təşkilati və mənəvi dəstək göstərilmişdir.
Dəfn mərasimi ilə yanaşı, mərhumun məzarı üzərində məzar daşının qoyulması və abadlaşdırma işlərinin təşkili də Xətai Bələdiyyəsi tərəfindən təmin edilmiş, ailənin istəyi nəzərə alınaraq məzarın səliqəli və ehtiramlı şəkildə hazırlanması üçün zəruri tədbirlər görülmüşdür.
Dəfn mərasimində Xətai Rayon İcra Hakimiyyətinin başçısı Rafiq Quliyev, Suraxanı Rayon İcra Hakimiyyətinin başçısı Adil Əliyev, Xətai Bələdiyyəsinin sədri Elşad Vəliyev, şəhid ailələrinin üzvləri, qazilər, rayon ictimaiyyətinin nümayəndələri, media mənsubları və çoxsaylı sakinlər iştirak etmiş, şəhid Veysəl Qasımovun və anası Saxiyat Qurbanismayılovnanın əziz xatirəsini dərin ehtiramla yad etmiş, ailə üzvlərinə başsağlığı vermişlər.
Şəhid ailələrinə, qazilərə və digər həssas sosial qruplara dövlət qayğısının göstərilməsi Azərbaycan Respublikasının Prezidenti cənab İlham Əliyevin həyata keçirdiyi sosial siyasətin əsas istiqamətlərindən biridir. Bu siyasətə uyğun olaraq dövlət orqanları və yerli özünüidarəetmə qurumları tərəfindən şəhid ailələrinin sosial müdafiəsinin gücləndirilməsi, onların problemlərinin həllinə həssas yanaşılması, mənəvi dəstəklə əhatə olunması və daim diqqətdə saxlanılması istiqamətində ardıcıl tədbirlər həyata keçirilir. Xətai Bələdiyyəsi də öz səlahiyyətləri çərçivəsində bu dövlət siyasətinə uyğun olaraq şəhid ailələrinə və digər həssas sosial qruplara diqqət və qayğının göstərilməsini fəaliyyətinin əsas istiqamətlərindən biri kimi davam etdirir.
Şəhidlərimizin müqəddəs xatirəsinin əziz tutulması, onların ailələrinin hər zaman diqqət və qayğı ilə əhatə olunması cəmiyyətimizin mənəvi dəyərlərinin ayrılmaz tərkib hissəsidir. Xətai Bələdiyyəsi bundan sonra da öz səlahiyyətləri çərçivəsində şəhid ailələrinin yanında olmağa, onların sosial və mənəvi rifahının dəstəklənməsi istiqamətində fəaliyyətini davam etdirəcəkdir.
Allah şəhidimiz Veysəl Qasımova və anası Saxiyat Qurbanismayılovnaya rəhmət eləsin, ruhları şad olsun.
Oxşar Xəbərlər
Bələdiyyə sədri
Son Xəbərlər
BƏLƏDİYYƏNİN REKVİZİTLƏRİ
VÖEN: 2000050381
H/h: AZ031BAZ38090029449677025208
Beynəxalq Bankı "NİZAMİ" fillialı
Kodu: 805669
VÖEN: 9900001881
M/h: AZ03NABZ 01350100000000002944
S.W.I.F.T.: IBAZ AZ 2X
QƏBUL GÜNLƏRİ
Sədr, Vəliyev Elşad Vilayət oğlu II gün (çərşənbə) 15.00-dan 18.00-kimi
Sədr müavini, Əsədov Şahmar Əli oğlu III gün (çərşənbə axşamı) 15.00-dan 18.00-kimi
Sədr müavini, İsmayılova Kəmalə İlham qızı III gün (çərşənbə axşamı) 15.00-dan 18.00-kimi