Xətai Bələdiyyəsi

Bələdiyyə xəbərləri 21-08-2023 1503

Elşad Vəliyev: “Bələdiyyə üçün həlli vacib məsələlər öz həllini tezliklə taparsa sakinlərimizin məmnunluğunu daha səmərəli şəkildə təmin etmiş olarıq”

“Bələdiyyənin mülkiyyətinə ehtiyat torpaq fondunun ayrılmaması əhalinin müəyyən problemlərinin vaxtında həll edilməsinə imkan vermir”- bu fikirləri Belediyye.infoya Xətai bələdiyyəsinin sədri Elşad Vəliyev bildirib. Həmçinin bu günədək inzibati əraizini özündə əks etdirən elektron xəritənin təqdim edilməməsi fəaliyyətimizə müəyyən problemlər yaratmaqdadır.

Qarşılaşdığımız çətinliklərə baxmayaraq vergi ödəyiciləri arasında ciddi şəkildə maarifləndirmə işinin aparılması davam etdirilir. Sakinlərə vergilərin nağdsız şəkildə toplanılması, vergi və rüsümların bank və poçt vasitəsi ilə ödəmələri izah olunur və bununla bağlı mütəmadi olaraq görüşlərin keçirilməsi davam etdirilir.

Bu gün bələdiyyənin vergi uçot-sisteminin daha səmərəli şəkildə qurulması, sakinlərin problemlərinin imkan daxilində operativ şəkildə həll edilməsi, bələdiyyə torpaqlarının sərhədlərinin dəqiqləşdirilməsi, bələdiyyənin icarəyə götürdüyü inzibati binanın bələdiyyə mülkiyyətinə verilməsi Xətai bələdiyyəsinin qarşıdakı dövr ərzində nəzərdə tutduğu işlərin tərkib hissəsidir. Bütün bu məqamlar bələdiyyə üçün həlli vacib məsələlərdir. Əgər bu məsələlər öz həllini tezliklə taparsa düşünmək olar ki, sakinlərimizi narahat edən məsələlər də tezliklə öz həllini tapa bilər.

Hazırda fəaliyyətimizi Ədliyyə Nazirliyinin Bələdiyyələrlə iş Mərkəzi, Xətai rayon İcra Hakimiyyəti və Azərbaycan Bələdiyyələrinin Milli Assosiasiyaları ilə qarşılıqlı əməkdaşlıq şəraitində qurmağımız öz müsbət təsirini göstərməkdədir.

Sədrin sözlərinə görə, deyilənləri nəzərə alaraq Xətai bələdiyyəsi bundan sonra da üzərinə düşən vəzifənin öhdəsindən layiqincə gəlməyə çalışacaqdır.

Oxşar Xəbərlər

2025-06-04 13:03:24

Elşad Vəliyev: "Hər il olduğu kimi, bu ildə ənənəyə sadiq qalan Xətai bələdiyyəsi...."

994

Bələdiyyə xəbərləri

Ətraflı

2025-06-03 15:03:03

Elşad Vəliyev: "Müstəqil Azərbaycanın qurucusu Heydər Əliyev daim uşaqların ən böyük himayədarı olub"

470

Bələdiyyə xəbərləri

Ətraflı

2025-05-08 12:24:52

Elşad Vəliyev: "20 tonluq su çəni olan avtomaşın almaqda əsas məqsədimiz..."

1326

Bələdiyyə xəbərləri

Ətraflı

2024-12-28 14:49:08

Elşad Vəliyev: Xətai RİH-in təşəbbüsü ilə Xətai bələdiyyəsi daim şəhid ailələrinə hər bir işdə dəstək göstərilməsinə çalışır"

562

Bələdiyyə xəbərləri

Ətraflı

2024-07-26 15:52:43

Xətai bələdiyyəsində görüş keçirilib.

1450

Bələdiyyə xəbərləri

Ətraflı

2024-07-25 13:16:30

Elşad Vəliyev: “Ölkəmizin ərazi bütovlüyü uğrunda canından keçən oğulların xatirəsi Xətai rayonunda daim əziz tutulur”

752

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.