Xətai Bələdiyyəsi

Bələdiyyə xəbərləri 02-09-2026 53

Xətai rayonunda genişmiqyaslı abadlıq və təmizlik işləri həyata keçirilib

Xətai Rayon İcra Hakimiyyətinin təşkilatçılığı və Xətai Rayonu Xətai Bələdiyyəsinin iştirakı ilə rayon ərazisində genişmiqyaslı iməclik və abadlıq-təmizlik tədbiri keçirilib.

İməclik çərçivəsində rayonun müxtəlif ərazilərində genişmiqyaslı təmizlik və abadlıq işləri aparılıb. Yaşıllıq sahələrində yeni ağaclar əkilib, mövcud ağacların və kolların dibləri bellənərək onlara aqrotexniki qulluq göstərilib. Park və istirahət əraziləri məişət tullantılarından təmizlənib, ətraf ərazilərdə səliqə-sahman yaradılıb.

Eyni zamanda, rayon ərazisində yolların və digər müvafiq sahələrin dezinfeksiya işləri həyata keçirilib. Köhnəlmiş və yararsız vəziyyətdə olan tullantı qabları yeniləri ilə əvəz olunaraq ərazilərdə sanitar-gigiyenik vəziyyətin və təmizliyin daha da yaxşılaşdırılması istiqamətində tədbirlər görülüb.

Aparılan işlər zamanı rayon ərazisinin abad, təmiz və yaşıllıqlarla zəngin vəziyyətdə saxlanılması, sakinlər üçün daha əlverişli və sağlam mühitin yaradılması əsas məqsədlərdən biri olub.

Xətai Rayon İcra Hakimiyyətinin başçısı Rafiq Quluyev və Xətai Bələdiyyəsinin sədri Elşad Vəliyev iməclik zamanı görülən işlərlə yerində tanış olub, prosesdə şəxsən yaxından iştirak ediblər. Rəhbərlər həyata keçirilən abadlıq və təmizlik tədbirlərinin gedişinə nəzarət edib, aidiyyəti şəxslərə müvafiq tövsiyə və tapşırıqlarını veriblər.

Rayon ərazisində bu istiqamətdə həyata keçirilən tədbirlərin davamlı xarakter daşıması, yaşıllıqların qorunması, ətraf mühitin mühafizəsi və sanitariya vəziyyətinin daha da yaxşılaşdırılması istiqamətində işlərin bundan sonra da mütəmadi şəkildə davam etdirilməsi nəzərdə tutulur.

Oxşar Xəbərlər

2026-08-31 13:38:53

Şəhidlərimizin müqəddəs xatirəsi ehtiramla yad edildi

543

Bələdiyyə xəbərləri

Ətraflı

2026-08-27 11:21:59

Xətai rayonunda muğam axşamı

318

Bələdiyyə xəbərləri

Ətraflı

2026-08-25 15:18:44

Xətai rayonunda “Qonağımız var” Mübariz Tağıyevlə yaddaqalan görüş

577

Bələdiyyə xəbərləri

Ətraflı

2026-08-24 12:43:19

Bir süfrə, bir ürək - şəhid ailələri ilə səmimi görüş

322

Bələdiyyə xəbərləri

Ətraflı

2026-08-18 14:43:11

Xətai rayonunda Xalq artisti Afaq Bəşirqızı ilə görüş keçirilib

357

Bələdiyyə xəbərləri

Ətraflı

2026-08-17 11:00:34

Xətai Bələdiyyəsində əməkdaşların fiziki hazırlığına və sağlam həyat tərzinə xüsusi diqqət

367

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.