Xətai Bələdiyyəsi

Bələdiyyə xəbərləri 24-08-2026 252

Bir süfrə, bir ürək - şəhid ailələri ilə səmimi görüş

22.08.2026-cı il tarixdə Xətai rayon İcra Hakimiyyətinin başçısı Rafiq Quluyev və YAP Xətai rayon təşkilatının sədri Ramil Mirzəyev və Xətai Rayonu Xətai Bələdiyyəsinin sədri Elşad Vəliyev şəhid ataları ilə səhər yeməyi süfrəsi arxasında səmimi görüş keçiriblər.

Şəhid ailələrinə göstərilən diqqət və qayğının ənənəvi xarakter daşıdığını nümayiş etdirən bu cür səmimi görüşlər mütəmadi olaraq keçirilir. Belə görüşlərdə şəhidlərimizin keçdiyi şərəfli döyüş yolu, Vətən uğrunda göstərdikləri qəhrəmanlıq barədə söhbətlər aparılır.

Səhər yeməyi süfrəsi ətrafında keçən budəfəki görüş də isti və doğma ab-havası ilə yadda qalıb. Söhbət zamanı şəhid atalarının ürək sözləri dinlənilib, onların gündəlik qayğıları və müraciətləri ilə maraqlanılıb.

İcra hakimiyyətinin başçısı bildirib ki, şəhid ailələri daim dövlətimizin diqqət mərkəzindədir. Vətənimizin ərazi bütövlüyü və suverenliyi uğrunda canından keçən qəhrəmanların ailələri ilə mütəmadi ünsiyyətin qurulması, onların qayğılarının dinlənilməsi və mümkün məsələlərin həllinə dəstək göstərilməsi əsas istiqamətlərdəndir.

Şəhid ataları isə səmimi görüşlərin keçirilməsini yüksək qiymətləndirərək göstərilən diqqət və qayğıya görə minnətdarlıqlarını bildiriblər.

Allah bütün şəhidlərimizə rəhmət eləsin!

Oxşar Xəbərlər

2026-07-27 13:03:19

Xətai Rayon Bələdiyyəsi tərəfindən məhkəmə qərardadının icrası istiqamətində keçirilmiş təşkilati tədbirlər

1164

Bələdiyyə xəbərləri

Ətraflı

2026-07-24 15:37:08

Xətai rayonunda yaşıllığın qorunması və abadlıq işləri ardıcıl şəkildə davam etdirilir

659

Bələdiyyə xəbərləri

Ətraflı

2026-07-21 11:43:25

Xətai Bələdiyyəsi yaşıllığın qorunması və yeni yaşıllıq zolaqlarının yaradılması istiqamətində işlərini davam etdirir

401

Bələdiyyə xəbərləri

Ətraflı

2026-07-16 10:21:22

Xətai Rayon Bələdiyyəsinin təşəbbüsü ilə növbəti genişmiqyaslı dezinfeksiya tədbirləri həyata keçirilib

609

Bələdiyyə xəbərləri

Ətraflı

2026-07-13 11:55:26

Xətai rayonunda abadlıq və şəhidlərimizin xatirəsinə ehtiram nümunəsi

244

Bələdiyyə xəbərləri

Ətraflı

2026-07-12 00:13:28

Xətai rayonunda abadlıq və quruculuq işləri: insanların rahatlığına xidmət edən yeni nəfəs

182

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.