Xətai Bələdiyyəsi

Bələdiyyə xəbərləri 13-08-2026 565

Elşad Vəliyev: “Xətai Rayon Bələdiyyəsində yeni struktur dəyişiklikləri həyata keçirilib”

Xətai Rayon Bələdiyyəsində fəaliyyətin daha səmərəli təşkili, vergi və ödənişlər üzrə işlərin operativ aparılması, həmçinin vergi ödəyicilərinin uçot-qeydiyyat işlərinin təkmilləşdirilməsi məqsədilə yeni struktur dəyişiklikləri həyata keçirilib.

Məsələ Bələdiyyə üzvlərinin ümumi iclasında müzakirəyə çıxarılıb. İclas zamanı Bələdiyyənin strukturunda dəyişikliklərin edilməsi və Bələdiyyə Vergi Xidməti orqanının yaradılması ilə bağlı məsələ nəzərdən keçirilib və müvafiq qərar qəbul edilib.

Qəbul edilmiş qərara əsasən, Bələdiyyə Vergi Xidməti orqanında yeni vəzifə təyinatları həyata keçirilib:

Bələdiyyə Vergi Xidməti orqanının rəisi - Nabatəliyev Elşən

Vergilər sektorunun müdiri - Həmidov Həmid

Ödənişlər sektorunun müdiri - Sayadov Natiq

Uçot-qeydiyyatı sektorunun müdiri - Əfəndiyeva Təranə

Yeni strukturun yaradılması vergi ödəyicilərinin uçotunun daha düzgün aparılması, vergilər və ödənişlər üzrə işlərin sistemli təşkili, uçot-qeydiyyat proseslərinin təkmilləşdirilməsi və ödəyicilərlə əlaqələrin daha operativ qurulmasına xidmət edəcək.

Xətai Rayon Bələdiyyəsinin sədri Elşad Vəliyev bildirib ki, həyata keçirilən struktur dəyişikliklərinin əsas məqsədi iş prosesinin daha düzgün qurulması və Bələdiyyənin fəaliyyətinin səmərəliliyinin artırılmasıdır.

Yeni strukturla vergi, ödəniş və uçot-qeydiyyatı istiqamətləri üzrə iş bölgüsünün dəqiqləşdirilməsi, hər bir sahə üzrə məsuliyyətin artırılması və vətəndaşlara göstərilən xidmətlərin daha operativ təşkili üçün imkanlar genişlənir.

Qeyd edək ki, Bələdiyyə Vergi Xidməti orqanının yaradılması ilə bağlı qərarın qəbul edilməsi Xətai Rayon Bələdiyyəsinin fəaliyyətinin təkmilləşdirilməsi və yeni idarəetmə strukturunun formalaşdırılması istiqamətində atılan mühüm addımlardandır.

Xətai rayon Bələdiyyəsi

Oxşar Xəbərlər

2023-10-03 12:32:10

Elşad Vəliyev: “Xətai bələdiyyəsi olaraq əsas məqsədimiz sakinlərin məmnunluğunu təmin etməkdir”

1523

Bələdiyyə xəbərləri

Ətraflı

2023-09-20 13:27:18

Elşad Vəliyev: “Xətai bələdiyyəsi şəhidlərin xatirəsinin ədəbiləşdirilməsi ictiqamətində daim ciddi addımlar atır”

1133

Bələdiyyə xəbərləri

Ətraflı

2023-08-21 11:37:04

Elşad Vəliyev: “Bələdiyyə üçün həlli vacib məsələlər öz həllini tezliklə taparsa sakinlərimizin məmnunluğunu daha səmərəli şəkildə təmin etmiş olarıq”

1481

Bələdiyyə xəbərləri

Ətraflı

2023-07-31 13:51:21

Bələdiyyə sədri: "Xətai Rayon İcra Hakimiyyəti ilə birlikdə şəhid və qazi ailələrinə həssaslıqla yanaşmağı özümüzə borc bilirik"

1496

Bələdiyyə xəbərləri

Ətraflı

2023-07-21 17:18:57

Xətai bələdiyyəsinin 2023-cü ilin 6 ayı ərzində görülmüş işlər o cümlədən maliyyə vəsaitlərinin və bələdiyyə mülkiyyətinin istifadəsi haqqında seçicilərə verilən

1516

Bələdiyyə xəbərləri

Ətraflı

2023-06-12 13:29:25

Elşad Vəliyev: “ Ulu Öndər Heydər Əliyevin Azərbaycan xalqı və Azərbaycan dövlətçiliyi qarşısında xidmətləri sözün əsl mənasında misilsizdir”

1546

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayon Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.