Xətai Bələdiyyəsi

Bələdiyyə xəbərləri 16-07-2026 599

Xətai Rayon Bələdiyyəsinin təşəbbüsü ilə növbəti genişmiqyaslı dezinfeksiya tədbirləri həyata keçirilib

Xətai Rayon Bələdiyyəsinin təşəbbüsü ilə rayon ərazisində sanitar-gigiyenik vəziyyətin yaxşılaşdırılması, əhalinin sağlamlığının qorunması, bit, birə və digər zərərverici həşəratların yayılmasının qarşısının alınması məqsədilə növbəti profilaktik dezinfeksiya tədbirləri həyata keçirilib.

Bələdiyyəyə daxil olan müraciətlər və aparılan monitorinqlər əsasında antisanitar vəziyyət müşahidə edilən yaşayış binalarında xüsusi dezinfeksiya işləri görülüb. Tədbirlər çərçivəsində Telnov küçəsi 10, M. Rüstəmov küçəsi 15, Telnov küçəsi 8, M. Rüstəmov küçəsi 21, Telnov küçələri 16, 18 və 18A, Sarayevo küçəsi 38, Sarayevo küçəsi 34, Xudu Məmmədov 2,4.4A 31 və 33,küçələri Məhəmməd Hadi küçəsi 58 ünvanlarında yaşayış binalarının girişləri, zirzəmiləri və ümumi istifadə sahələri xüsusi preparatlarla dezinfeksiya olunaraq bit, birə və digər zərərverici həşəratlara qarşı profilaktik tədbirlər həyata keçirilib.

Görülən işlər nəticəsində qeyd olunan ünvanlarda sanitar-gigiyenik vəziyyətin yaxşılaşdırılması, infeksiya və zərərvericilərin yayılma riskinin minimuma endirilməsi istiqamətində mühüm nəticələr əldə olunub. Bu cür tədbirlər sakinlərin sağlamlığının qorunmasına, yaşayış mühitinin daha təhlükəsiz və komfortlu olmasına xidmət edir.

Xətai Rayon Bələdiyyəsinin sədri Elşad Vəliyev rayon sakinlərinin rifahının yüksəldilməsi, sağlam yaşayış mühitinin təmin olunması və sanitariya sahəsində operativ tədbirlərin həyata keçirilməsini daim diqqət mərkəzində saxlayır. Onun rəhbərliyi ilə həyata keçirilən abadlıq, təmizlik və dezinfeksiya işləri vətəndaş müraciətlərinə həssas yanaşmanın və insanların sağlamlığına verilən önəmin bariz nümunəsidir.

Xətai Rayon Bələdiyyəsi gələcəkdə də rayonun müxtəlif ərazilərində sanitariya və dezinfeksiya tədbirlərini ardıcıl şəkildə davam etdirərək sakinlərin sağlamlığının qorunması və ekoloji cəhətdən təhlükəsiz yaşayış mühitinin təmin olunması istiqamətində fəaliyyətini davam etdirəcək.

Xətai Bələdiiyəsi

Oxşar Xəbərlər

2026-08-14 11:00:14

Elşad Vəliyev: Şəhidimizin adını yaşatmaq bizim mənəvi borcumuzdur

577

Bələdiyyə xəbərləri

Ətraflı

2026-08-13 10:30:28

Elşad Vəliyev: “Xətai Rayon Bələdiyyəsində yeni struktur dəyişiklikləri həyata keçirilib”

607

Bələdiyyə xəbərləri

Ətraflı

2026-08-06 14:20:22

Xətai Rayon Bələdiyyəsi tərəfindən növbəti dezinfeksiya tədbirləri həyata keçirilib

253

Bələdiyyə xəbərləri

Ətraflı

2026-08-04 17:08:41

Park Azure-da növbəti görüş keçirildi

219

Bələdiyyə xəbərləri

Ətraflı

2026-08-03 12:44:09

Elşad Vəliyev abadlıq və yenidənqurma işlərinin gedişini şəxsən yaxından nəzarətdə saxlayır

477

Bələdiyyə xəbərləri

Ətraflı

2026-07-30 15:14:10

Davam edən məhkəmə prosesi ilə bağlı yerində baxış keçirilib

363

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayon Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.