Xətai Bələdiyyəsi

Bələdiyyə xəbərləri 09-07-2026 160

Xətai rayonunda sakinlərin sağlamlığı üçün mühüm sanitariya tədbirləri həyata keçirilir

Xətai rayonunda sakinlərin rahat və sağlam yaşayış şəraitinin təmin olunması istiqamətində mühüm tədbirlər davam etdirilir. Xətai Rayon Bələdiyyəsinin təşəbbüsü ilə rayon ərazisində antisanitar vəziyyətin qarşısının alınması, həşəratların yayılmasının aradan qaldırılması məqsədilə genişmiqyaslı dərmanlama və dezinfeksiya işləri həyata keçirilib.

Aparılan tədbirlər çərçivəsində Cavanşir küçəsi 32 ünvanında, Məhəmməd Hadi küçəsi 86 ünvanında, Çingizxan Kərimov küçəsi 6 ünvanında, Gəncə prospekti 51 və Gəncə prospekti 69 ünvanlarında yerləşən çoxmənzilli yaşayış binalarında ağcaqanad, bit və birəyə qarşı xüsusi dərmanlama işləri görülüb. Binaların ümumi istifadə sahələri və zirzəmilər sanitar normalara uyğun şəkildə emal olunaraq antisanitar vəziyyətin aradan qaldırılması istiqamətində tədbirlər həyata keçirilib.

Bu cür profilaktik tədbirlər sakinlərin sağlamlığının qorunmasına, yaşayış ərazilərində gigiyenik şəraitin yaxşılaşdırılmasına və müxtəlif həşəratların yayılmasının qarşısının alınmasına xidmət edir.

Xətai Rayon Bələdiyyəsinin sədri Elşad Vəliyevin rəhbərliyi ilə həyata keçirilən bu tədbirlər göstərir ki, bələdiyyə yalnız abadlıq və quruculuq işləri ilə deyil, eyni zamanda sakinlərin gündəlik yaşayış şəraitinin yaxşılaşdırılması, təmiz və təhlükəsiz mühitin yaradılması istiqamətində də ardıcıl fəaliyyət göstərir.

Sakinlərin müraciətlərinə diqqətlə yanaşan Xətai Rayon Bələdiyyəsi rayon ərazisində sanitariya, abadlıq və sağlam yaşayış mühitinin təmin olunması istiqamətində tədbirləri davam etdirəcək.

Oxşar Xəbərlər

2026-07-28 11:20:02

Xətai Bələdiyyəsi şəhid anasının dəfn mərasiminin təşkilində iştirak edib

565

Bələdiyyə xəbərləri

Ətraflı

2026-07-27 13:03:19

Xətai Rayon Bələdiyyəsi tərəfindən məhkəmə qərardadının icrası istiqamətində keçirilmiş təşkilati tədbirlər

1164

Bələdiyyə xəbərləri

Ətraflı

2026-07-24 15:37:08

Xətai rayonunda yaşıllığın qorunması və abadlıq işləri ardıcıl şəkildə davam etdirilir

659

Bələdiyyə xəbərləri

Ətraflı

2026-07-21 11:43:25

Xətai Bələdiyyəsi yaşıllığın qorunması və yeni yaşıllıq zolaqlarının yaradılması istiqamətində işlərini davam etdirir

402

Bələdiyyə xəbərləri

Ətraflı

2026-07-16 10:21:22

Xətai Rayon Bələdiyyəsinin təşəbbüsü ilə növbəti genişmiqyaslı dezinfeksiya tədbirləri həyata keçirilib

609

Bələdiyyə xəbərləri

Ətraflı

2026-07-13 11:55:26

Xətai rayonunda abadlıq və şəhidlərimizin xatirəsinə ehtiram nümunəsi

244

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayonu Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.