Gözləyin...
Bələdiyyə xəbərləri 09-07-2025 14

Elşad Vəliyev: "Sakinlərin müraciəti əsasında Xətai rayonunda daha bir məhəllədə abadlaşdırma işlərinə start verilib"

"Xətai rayonunda küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir. Xətai RİH-in həyata keçirdiyi abadlıq-quruculuq işlərinə dəstək olaraq Xətai bələdiyyəsi daim rayonda irihəcmli layihələrin icrasını öhdəsinə götürür və layiqincə icra edir" - bu fikirləri Beledyye.infoya adıçəkilən bələdiyyənin sədri Elşad Vəliyev bildirib. 

Sədr bildirib ki, aparılan abadlıq və yenidənqurma işləri nəticəsində təqribən 1500 nəfər sakinin yaşadığı Xudu Məmmədov küçəsi 33 ünvanında bir hektarlıq ərazidə abadlıq, quruculuq işlərinə başlanılıb. Konkret təsdiq edilmiş layihəyə əsasən həyata keçirilən layihənin ilkin beton-döşəmə  işləri həyata keçirilməkdədir.

Görüləcək işlər çərçivəsində beton örtüyü salınacaq, tamet daşlar  düzüləcək və 3500 kvadratmetr sahəyə yaşıl örtük çəkiləcək,  yeni bardürlər qoyulacaq.  Qeyd edim ki, bununla yanaşı bəzi sakinlər tərəfindən zəbt olunmuş sahələr əhalinin ümumi istifadəsinə qaytarılıb. Ərazidə həmçinin  müxtəlif növ uşaq oyun elementləri və idman qurğuları quraşdırılacaq, kiçik tullantılar üçün zibil qutuları qoyulacaq. Bununla yanaşı ərazidə müasir işıqlandırma sistemi və təhlükəsizlik kameraları quraşdırılması  da nəzərdə tutulub. Habelə çoxsaylı dekorativ kol və ağac əkiləcək, yaşıllıqlara aqrotexniki qulluq göstərilməsi üçün su xətləri çəkiləcək.

Sakinlərin asudə vaxtlarının səmərəli təşkili üçün artıq əraziyə  söhbətgah və oturacaqların sifarişi verilib.  

Xətai bələdiyyəsi olaraq sakinlərin müraciəti əsasında həyata keçirilən bu layihənin yaxın müddət ərzində başa çatdırıılmasına çalışacağıq.


















Oxşar Xəbərlər

Bələdiyyə sədri

Vəliyev Elşad Vilayət oğlu
Xətai bələdiyyəsinin sədri

Mən, Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayon Xanağa kəndində anadan olmuşam.
1995-ci ildə Naxçıvan Dövlət Universitetinin iqtisadiyyat fakultəsinə qəbul olmuş, 1999-cu ildə həmin universiteti bitirmişəm. 2003-cü ildə Dövlət İdarəetmə Akademiyasına qəbul olmuş, 2006-cı ildə həmin akademiyanı bitirmişəm. Yeni Azərbaycan Partiyasının üzvüyəm. Rus və ingilis dillərini bilirəm.
Ailəliyəm. Bir övladım var.
22.05.2001-ci ildə Yasamal rayon ƏSMM-də müfəttiş vəzifəsində işə başlamışam . 15.02.2002-ci ildə Yasamal rayon ƏSMM-də Baş müfəttiş vəzifəsinə keçirilmişəm. 03.05.2007-ci ildə Dövlət Sosial Müdafiyə Fondu Hərbi qulluqçular və Xüsusi Dərəcəli şəxslərlə iş departamentində Baş məsləhətçi vəzifəsində çalışmışam.
01.05.2017-ci ildən 12.09.2019-cu ilədək Dövlət Sosial Müdafiyə Fondunun Xətai rayon şöbəsində Baş məsləhətçi vəzifəsində çalışmışam.
23.12.2019-cu il tarixindən Xətai rayon Xətai Bələdiyyəsində Bələdiyyə üzvü seçilmişəm.
15.01.2020-ci il tarixindən Xətai rayon Xətai Bələdiyyəsinin sədri vəzifəsinə seçilmişəm.

Son Xəbərlər

Xətai bələdiyyəsində görüş keçirilib.
Bələdiyyə xəbərləri 26-07-2024