Xətai Bələdiyyəsi

Bələdiyyə xəbərləri 03-10-2023 1527

Elşad Vəliyev: “Xətai bələdiyyəsi olaraq əsas məqsədimiz sakinlərin məmnunluğunu təmin etməkdir”

“Xətai bələdiyyəsi olaraq rayon icra hakimiyyətinin təşəbbüsü ilə yeni bir layihənin icrasına başlamışıq”- bu fikirləri Belediyye.infoya adıçəkilən bələdiyyənin sədri Elşad Vəliyev bildirib.

Sədrin sözlərinə görə, bələdiyyə iclasında qəbul edilmiş xüsusi proqarama əsasən rayonun Məzahir Rüstəmov küçəsi 21 ünvanında olan yaşıllıq zolağında əsaslı təmir-bərpa işlərinə başlanılıb.

Əvvəlki illərdə bələdiyyə tərəfindən düzəldilmiş söhbətgahlar təmir edilir, piyada zolaqlarına tamet daşlar düzülür, o cümlədən ağaclarda səliqə-səhman yaradılır. Bununla yanaşı layihəyə əsasən yaşıllıq zolağında gül kolları və müxtəlif cinsli ağacların əkilməsi də planlaşdırılır.

Bələdiyyə iclasının qərarıyla həyata keçirilən layihənin tezliklə başa çatdırılması nəzərdə tutulur. Sədr sonda bildirib ki, Xətai bələdiyyəsi olaraq əsas məqsədimiz sakinlərin məmnunluğunu təmin etməkdir. Həyata keçirdiyimiz layihələrdə məhz bu məqsədə xidmət edir.

Oxşar Xəbərlər

2026-07-21 11:43:25

Xətai Bələdiyyəsi yaşıllığın qorunması və yeni yaşıllıq zolaqlarının yaradılması istiqamətində işlərini davam etdirir

382

Bələdiyyə xəbərləri

Ətraflı

2026-07-16 10:21:22

Xətai Rayon Bələdiyyəsinin təşəbbüsü ilə növbəti genişmiqyaslı dezinfeksiya tədbirləri həyata keçirilib

599

Bələdiyyə xəbərləri

Ətraflı

2026-07-13 11:55:26

Xətai rayonunda abadlıq və şəhidlərimizin xatirəsinə ehtiram nümunəsi

228

Bələdiyyə xəbərləri

Ətraflı

2026-07-12 00:13:28

Xətai rayonunda abadlıq və quruculuq işləri: insanların rahatlığına xidmət edən yeni nəfəs

139

Bələdiyyə xəbərləri

Ətraflı

2026-07-09 21:15:33

Xətai rayonunda sakinlərin sağlamlığı üçün mühüm sanitariya tədbirləri həyata keçirilir

136

Bələdiyyə xəbərləri

Ətraflı

2026-01-07 10:45:59

Xətai bələdiyyəsinin inzibati binasında YAP üzvləri ilə görüş keçirilib

321

Bələdiyyə xəbərləri

Ətraflı

Bələdiyyə sədri

Vəliyev Elşad Vilayət oğlu

Xətai Rayon Xətai Bələdiyyəsinin sədri

Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayonunun Xanağa kəndində anadan olmuşdur.

1995-ci ildə Naxçıvan Dövlət Universitetinin İqtisadiyyat fakültəsinə qəbul olmuş, 1999-cu ildə həmin ali təhsil müəssisəsini iqtisad ixtisası üzrə bitirmişdir. Təhsilini davam etdirərək 2003-cü ildə Azərbaycan Respublikasının Prezidenti yanında Dövlət İdarəçilik Akademiyasına qəbul olunmuş, 2006-cı ildə həmin akademiyanı müvəffəqiyyətlə başa vurmuşdur.

Əmək fəaliyyətinə 22 may 2001-ci il tarixində Yasamal Rayon Əhalinin Sosial Müdafiəsi Mərkəzində müfəttiş vəzifəsində başlamışdır. Peşəkar fəaliyyəti və məsuliyyətli xidməti nəzərə alınaraq 15 fevral 2002-ci il tarixində həmin qurumda baş müfəttiş vəzifəsinə təyin edilmişdir.

03 may 2007-ci il tarixindən etibarən Dövlət Sosial Müdafiə Fondunun Hərbi Qulluqçular və Xüsusi Dərəcəli Şəxslərlə İş Departamentində baş məsləhətçi vəzifəsində çalışmış, sosial müdafiə sahəsində dövlət siyasətinin həyata keçirilməsi istiqamətində mühüm fəaliyyət göstərmişdir.

01 may 2017-ci il tarixindən 12 sentyabr 2019-cu il tarixinədək Dövlət Sosial Müdafiə Fondunun Xətai rayon şöbəsində baş məsləhətçi vəzifəsində fəaliyyətini davam etdirmiş, vətəndaşlara göstərilən sosial xidmətlərin təşkili və idarə olunmasında yaxından iştirak etmişdir.

23 dekabr 2019-cu il tarixində keçirilmiş bələdiyyə seçkilərində Xətai Bələdiyyəsinin üzvü seçilmişdir. 15 yanvar 2020-ci il tarixində keçirilmiş bələdiyyə iclasının qərarı ilə Xətai Bələdiyyəsinin sədri vəzifəsinə seçilmişdir. 29 yanvar 2025-ci il tarixində keçirilmiş bələdiyyənin ilk iclasında yenidən Xətai Bələdiyyəsinin sədri seçilərək ikinci dəfə bu vəzifəyə etimad göstərilmişdir.

Sədr kimi fəaliyyəti dövründə Xətai rayonunda abadlıq və quruculuq işlərinin genişləndirilməsi, park və yaşıllıq sahələrinin salınması, məhəllələrin abadlaşdırılması, xidmətlərin təkmilləşdirilməsi, sosial layihələrin həyata keçirilməsi, şəhid ailələri, müharibə veteranları və aztəminatlı ailələrə dəstək göstərilməsi istiqamətində ardıcıl və məqsədyönlü fəaliyyət göstərmişdir. Onun rəhbərliyi ilə bələdiyyədə vətəndaş müraciətlərinə operativ baxılması, şəffaf idarəetmə prinsiplərinin tətbiqi və yerli özünüidarəetmə institutunun inkişafı istiqamətində mühüm işlər görülmüşdür.

Vəliyev Elşad Vilayət oğlu Yeni Azərbaycan Partiyasının üzvüdür. Rus və ingilis dillərini bilir.

Ailəlidir, bir övladı var.