Gözləyin...
Bələdiyyə xəbərləri 25-12-2023 321

Elşad Vəliyev: “Əldə etdiyimiz maliyyə vəsaitinin böyük bir hissəsi Xətai rayonunun abadlıq-quruculuq işlərinə xərclənir”

“Bu gün bələdiyyənin vergi xidmətinin əsas məqsədi sakinlər arasında sistemli şəkildə maarifləndirmə işini aparmaqdır” - bu fikirləri Belediyye.infoya Xətai Bələdiyyəsinin sədri Elşad Vəliyev bildirib.

Sədrin sözlərinə görə, cari ildə kifayət qədər yüksək məbləğdə borcu olan 643 vergi ödəyicisiylə bağlı bələdiyyə iclasının qərarı Xətai rayon icra və probasiya şöbəsinə göndərilib. Ötən il isə bu rəqəm 362 olub.

Hər ay büdcə gəlirlərinin 11-14 faizədək hissəsi məhz icra şöbəsiylə əməkdaşlığımız sayəsində  əldə olunur.

Lakin təəssüf  edirik ki, bir çox hallarda sakinlər yaratdıqları borcu ödəmək əvəzinə etiraz əlaməti olaraq bələdiyyə iclasının qəbul etdiyi qərarlardan inzibati məhkəməyə müraciət edirlər. Bu günədək 17 vergi ödəyicimiz, təəssüf ki, bu addımı atıb. Məhkəmə baxışı zamanı isə artıq 6 nəfərin iddiası təmin edilməmiş və bələdiyyənin qərarı qüvvədə saxlanılmışdır. Digər iddialar isə baxılmaqdadır.

Sədr qeyd edib ki, cari ildə büdcə gəlirlərimizi 20 faizədək artıra bilmişik. Əldə etdiyimiz maliyyə vəsaitinin böyük bir hissəsi Xətai rayonunun abadlıq-quruculuq işlərinə xərclənir. “Abad həyət” layihəsi çərçivəsində bir sıra ərazlərdə əsaslı təmir işləri aparılmaqdadır. Şəhid və qazi ailələrinə maddi və mənəvi dəstəyin göstərilməsi isə bələdiyyənin əsas vəzifələrindəndir.

Bu gün Xətai bələdiyyəsinin kollektivi fəaliyyətiylə Prezident  cənab İlham Əliyevin yürütdüyü siyasəti dəstəkləməklə  vətəndaş məmnunluğunun təmin ediməsinə xidmət edir. Ödur ki, növbəti ildə daha böyük rüh yüksəkliyi ilə seçicilərimiz qarşısında verdiyimiz öhdəliyi yerinə yetirmək niyyətindəyik.

Oxşar Xəbərlər

Bələdiyyə sədri

Vəliyev Elşad Vilayət oğlu
Xətai bələdiyyəsinin sədri

Mən, Vəliyev Elşad Vilayət oğlu 11 aprel 1978-ci ildə Naxçıvan Muxtar Respublikasının Ordubad rayon Xanağa kəndində anadan olmuşam.
1995-ci ildə Naxçıvan Dövlət Universitetinin iqtisadiyyat fakultəsinə qəbul olmuş, 1999-cu ildə həmin universiteti bitirmişəm. 2003-cü ildə Dövlət İdarəetmə Akademiyasına qəbul olmuş, 2006-cı ildə həmin akademiyanı bitirmişəm. Yeni Azərbaycan Partiyasının üzvüyəm. Rus və ingilis dillərini bilirəm.
Ailəliyəm. Bir övladım var.
22.05.2001-ci ildə Yasamal rayon ƏSMM-də müfəttiş vəzifəsində işə başlamışam . 15.02.2002-ci ildə Yasamal rayon ƏSMM-də Baş müfəttiş vəzifəsinə keçirilmişəm. 03.05.2007-ci ildə Dövlət Sosial Müdafiyə Fondu Hərbi qulluqçular və Xüsusi Dərəcəli şəxslərlə iş departamentində Baş məsləhətçi vəzifəsində çalışmışam.
01.05.2017-ci ildən 12.09.2019-cu ilədək Dövlət Sosial Müdafiyə Fondunun Xətai rayon şöbəsində Baş məsləhətçi vəzifəsində çalışmışam.
23.12.2019-cu il tarixindən Xətai rayon Xətai Bələdiyyəsində Bələdiyyə üzvü seçilmişəm.
15.01.2020-ci il tarixindən Xətai rayon Xətai Bələdiyyəsinin sədri vəzifəsinə seçilmişəm.

Son Xəbərlər

20 Yanvar Ümumxalq Hüzn Günü
Bələdiyyə xəbərləri 20-01-2024